Tecnoloxías aplicadas ás enfermidades respiratorias

 

Descrición

A prevalencia das enfermidades respiratorias (ER) tanto agudas como crónicas incrementouse de forma destacable nos últimos anos, impactando en gran maneira a nivel da sociedade e os sistemas sanitarios. A súa atención require unha atención personalizada, continuada e coordinada entre os distintos niveis e profesionais ademais do empoderamento do paciente e a súa contorna nos seus coidados. A maioría dos pacientes con ER requiren probas diagnósticas de diferente complexidade nas que participan profesionais de diferentes disciplinas e novos procedementos para o tratamento, incluíndo aqueles utilizados de forma crónica a nivel domiciliario e con dispositivos cada vez máis sofisticados.As probas necesarias para a adecuada avaliación da función pulmonar ou os estudos de imaxe torácica ou endobronquial, o estudo dos trastornos respiratorios do soño ou o uso de terapias por vía inhalatoria ou o soporte ventilatorio son campos en continua innovación e de aplicación cada vez a máis persoas na nosa contorna. O adecuado coñecemento das diferentes facetas (indicacións, realización e interpretación, fundamentos tecnolóxicos e limitacións) de todas estas técnicas e o aparataxe necesario para levalo a cabo son esenciais para garantir unha atención sanitaria de calidade e poder facer propostas para a súa correcta utilización na nosa contorna, así como propoñer e desenvolver melloras que permitan optimizalas.

Ademais, a aplicación xeneralizada doutras innovacións tecnolóxicas aos procesos clínicos easistenciais incluíndo a telemonitorización e o avance de tecnoloxías como o big data ou a intelixencia artificial, protagonizarán a evolución do sector sociosanitario neste e noutros campos da saúde nos próximos anos. A saúde dixital pode achegar solucións para mellorar o autocuidado e a prevención, o diagnóstico, o tratamento, o seguimento e xestión dos pacientes, especialmente aqueles con enfermidades crónicas, como son moitas das enfermidades respiratorias, incrementando a súa autonomía e calidade de vida e podendo mellorar a eficacia e eficiencia do sistema sanitario. Ata o momento practicamente non existen programas de formación que aborden cunha visión global (procedemento e equipamento), integral e práctica todas as aplicacións tecnolóxicas necesarias para o manexo seguro e eficiente de pacientes con ER, obxectivo polo que a UVigo deseña e pon en marcha a presente titulación, de forma que o profesional que o supere estará capacitado para realizar e controlar a adecuada utilización destas tecnoloxías así como os dispositivos e aparataxe necesarios para iso.

 

 

Colaboradores

 

Modalidade

 

Horario

• Estudos de imaxe e técnicas broncopleurais (setembro-outubro 2024) 

• Terapia inhalada e osixenoterapia (outubro-novembro 2024)

 

 

Prezos

Público en xeral	Alumni UVigo	Comunidade UVigo
900 €	810 €	765 €

Observacións aos prezos

A Fundación Biomédica Galicia Sur subvencionará con axudas ao estudo a todas as persoas que superen o título. A contía da subvención será como mínimo de 300 euros

As persoas en situación de desemprego ou discapacidade recoñecida poderán solicitar o prezo reducido da comunidade universitaria no momento da matrícula

 

Obxectivos

Formación avanzada orientada a desenvolver no seu alumnado competencias e habilidades que lles permitan dar resposta de alto nivel e liderar accións de mellora en todos os aspectos relacionados coas tecnoloxías diagnósticas e terapéuticas aplicadas ás enfermidades respiratorias.

 

Destinatarios

Persoas graduadas ou licenciadas en Enfermería, Fisioterapia ou Enxeñería Biomédica.

 

Saídas Profesionais

Con este título de experto universitario os/as estudantes adquirirán unha excelente formación e habilidades en todos os campos tecnolóxicos relacionados coas enfermidades respiratorias e serán capaces desde varias perspectivas (clínica e técnica) poñelas en marcha, así como de abordar melloras e innovacións neste campo.

 

Competencias Específicas

• Coñecer a anatomía do sistema respiratorio para entender e optimiza-las aplicacións tecnolóxicas necesarias para a adecuada atención das enfermidades respiratorias.
• Coñecer a fisiopatoloxía do sistema respiratorio para entender e optimizar as aplicacións tecnolóxicas necesarias para a adecuada atención das enfermidades respiratorias.
• Identificar as bases tecnolóxicas dos dispositivos e instrumental que se precisan para o diagnóstico, tratamento e seguimento das enfermedades respiratorias
• Identificar e describir as indicacións para a realización e a interpretación dos resultados das principais probas diagnósticas e terapias aplicadas ás enfermidades respiratorias.
• Aplicar os coñecementos teóricos e as habilidades prácticas adquiridas na utilización das técnicas e procedementos instrumentais relacionados coas enfermidades respiratorias acordes á carteira de servizos sanitarios propia da súa formación.
• Recoñecer e describir os criterios de calidade e seguridade das tecnoloxías aplicadas ao diagnóstico e tratamento das enfermidades respiratorias en cada contexto clínico.
• Coñecer as limitacións, riscos e solucións das tecnoloxías aplicadas ás enfermidades respiratorias.
• Dispoñer das habilidades e das competencias necesarias para a busca das innovacións neste campo e liderar proxectos de mellora nos procesos tecnolóxicos aplicados ásdistintas enfermidades do aparello respiratorio.
• Coñecer o contexto e as estratexias existentes a distintos niveis para o desenvolvemento da saúde dixital aplicada ás enfermidades respiratorias, así como os sistemas de información que dan soporte á súa actividade.
• Coñecer e aplicar a normativa e regulación local, autonómica, nacional e internacional no ámbito das tecnoloxías aplicadas ás enfermidades respiratorias.
• Resolver casos prácticos no campo das das tecnoloxías aplicadas ás enfermidades respiratorias, o que implica a elaboración previa de material, a identificación de cuestións problemáticas, a selección, interpretación e a exposición argumentada deste ámbito da saúde respiratoria das persoas.

 

Competencias Transversais

• Propoñer solucións creativas e innovadoras a situacións ou problemas complexos, propios do ámbito de coñecemento.
• Colaborar eficazmente en equipos de traballo, asumindo responsabilidades e funcións deliderado e contribuíndo á mellora e desenvolvemento colectivo
• Comunicarse de maneira efectiva, tanto de forma oral como escrita, adaptándose ás características da situación e da audiencia.
• Actuar con autonomía na aprendizaxe, tomando decisións fundamentadas en diferentes contextos.

 

Condicións de acceso

Personas graduadas ou licenciadas en Enfermería, Fisioterapia o Enxeñería Biomédica que acrediten:

1. Un título universitario dentro do EEES que outorgue o acceso a ensinos oficiais de posgrao.

2. Un título estranxeiro, alleo ao EEES, homologado a un título universitario oficial do EEES.

3. Un título estranxeiro, alleo ao EEES, non homologado, pero que acredite un nivel equivalente a un título universitario de grao dentro do EEES que faculte, no país de expedición do título, para o acceso aos ensinos de posgrao.

 

DOCUMENTACIÓN REQUIRIDA:

1) Documento de identidade ou pasaporte

2) Título universitario ou certificado de estudos

3) Carta de motivación

 

Criterios de selección

1) Titulación en Enfermería

2) Titulacións en fisioterapia e en enxeñería biomédica.

3) Actividade profesional relacionada coa temática respiratoria

4) Carta de motivación

 

Materias

id	nome	caracter	créditos
200380	Estudos de imaxe e técnicas broncopleurais	Obligatoria	4.0
200381	Terapia inhalada y oxigenoterapia	Obligatoria	4.0
200382	Ventilación no invasiva	Obligatoria	3.0
200383	Tecnologías aplicadas a los trastornos respiratorios del sueño	Obligatoria	3.0
200384	El laboratorio de función pulmonar	Obligatoria	3.0
200385	Salud digital y nuevas tecnologías	Obligatoria	3.0

 

Profesorado

 

Avaliación

Avaliación continuada por medio de observación, traballos individuais e en grupo, controis escritos, participación en aula ou campus virtual, titorías.

Asistencia e participación.

Probas: exame de cada materia e exame final.

Poderase superar o curso aprobando todas as materias (máis) dun 50% da avaliación de coñecementos teóricos. A asistencia ás clases presenciais deberá ser superior ao 80%, débense de realizar todas as presentacións incluídas no programa e a asistencia ás prácticas será do 90%. Se non se alcanza o 50% nalgunha das materias teóricas poderá presentarse á avaliación final só coas materias non superadas.

 

Titulación

Título de Experto Universitario en Tecnoloxías Aplicadas ás Enfermidades Respiratorias